सुनको भाउ एकैदिन तोलामा ३ हजार ४ सयले घट्यो

मङ्गलबार, कात्तिक २५ २०७७
image

काठमाडौं : सुनको भाउ मंगलबार एकैदिन झण्डै साढे ३ हजार रुपैयाँले घटेको छ । नेपाल सुन चाँदी व्यवसायी महासंघका अनुसार सुनको भाउ मंगलबार तोलामा सुन ३ हजार ४ सय रुपैयाँ घटेर ९४ हजार ८ सय रुपैयाँमा झरेको छ ।

सोमबार छापावाल सुन तोलामा ९८ हजार २ सय रुपैयाँमा कारोवार भएको थियो । यस्तै मंगलबार तेजाबी सुनको भाउ ९४ हजार तीन सय रूपैयाँ कायम भएको छ । मंगलबार चाँदी पनि तोलामा ६० रुपैयाँले घटेको छ । चाँदी मंगलबार तोलामा १ हजार २ सय १५ रुपैयाँमा कारोबार भएको छ । सोमबा तोलामा १२ सय ७५ रुपैयाँ थियो ।

अमेरिकाको राष्ट्रपतीय चुनावमा जो बाइडेन विजयी हुनुका साथै कोरोना विरुद्धको खोपमा सफलता मिलेपछि त्यसको असर सुनचाँदी बजारमा देखिएको हो ।

कोरोना भाइरस विरुद्धको खोपका सम्भावित सफलताको आशासँगै विश्व शेयर बजारमा सकारात्मक प्रभाव देखिन थालेपछि सुनको भाउ घट्न थालेको हो ।

ad
ad